الاثنين، 27 يونيو، 2011

حالة لم تكتمل!!

بحبك بس معرفش ..
بحبك بس معرفش
أسبل أو اقول كلام ناعم
زي العيال النواعم
اللي مقضينها كلام
يبنوا قصور في الرملة
وجزيرة من الأحلام
يجي عليها الموج
تصبح وهم
 تتبدد مع الأيام

وانا اصلي عاشق ..
بس مش عاشق
انا اصلي عاشق
بس مش عاشق
 من بتوع اليوم
عشقي عبادة
كيف الصلاة والصوم

والحب عندي ..
الحب عندي
 قومة مش قولة
قومة تخليني أشب لفوق
 أطول الشمس
واغزلك من شعاعها الدهبي
 توب مقصب بالحنين والشوق

وانا اصلي عاشق
بس مش عاشق
 
من بتوع اليوم

!!

محمد أبوذكري
7/1/2011

هناك تعليقان (2):

  1. حلوة قوي

    دي تتنفع تتغنى

    ردحذف
  2. متشكر يابيلا ..
    مرورك هوالاحلي دايما..

    ردحذف