الجمعة، 25 مارس، 2011

رجال الديـن !! و !! السـياسة !!

مــــــــــش !!
مع الناس اللي بيهاجموا رجال الدين علي أراءهم السياسية! واللي بينتقدوا هذه الآراء ! لا لشئ الا إنها خارجة عن رجال دين!! ومش بيفندوها ويردوا عليها بالحجة والمنطق.. زي مابيعملوا مع أي رأي سياسي صادر عن أي حد تاني!!
وشايـــف إن !!
مـن حــق!! أي رجل دين .. سواء مسيحي! أو مسلم! أن يمارس السياسة (كحق بيكفله الدستور لأي مواطن).!.
بــــــس !!
عند ممارستهم للسياسة!!
واجـــب علي كل واحد منهم !! يشيل اللقب الديني من أمام اسمه//يعنـى: مانقولش: الشيخ فلان – أو- القس فلان رأيه السياسي كذا!!
وعلي رجل الدين!! أن يمارس السياسة من بــره المسجد أو الكنيسة!!
حتـــــــى لاتؤخذ أراءهم السياسية علي أنها فتاوي دينية غير قابلة للمراجعة أوالنقاش!!!
نحترمهم !! كرجال دين علي عنينا وراسنا..من فوق! فوق! فوق!!
لكــــــــن !!
عند ممارسة السياسة .. لازم يفهموا ! إن محدش كبير ع النقـد!!
رؤساء الدول والسياسين!! بينضربوا بالجزم ويتحدفوا بالبيض وبالطوب!!!.. ومحدش منهم بيقول أي!! لأنهم عارفين إن السياسة لعبـة قذرة وأي حد يدخلها لازم يستحمل القذارة بتاعتها!!
وإن كنت شايف !!
إن .. دور رجال الدين في المرحلة دي أكبــر!! من إنهم يتركوه! ويمارسوا السياسة.. لأن البلد بحاجة إليهم فى كنائسهم ومساجدهم.. يربــوا ضمائر الناس والشباب المقبلين ع العمل السياسي.. عشان يبقي عندنا سياسيين ((اصحاب ضمير)).. يراعوا الله في شعوبهم وعملهم!! وحتى لاتتكرر اخطاء السابقين.. واللي وصلتنا لما نحن فيه الآن...

أبوذكري
25/ 3 / 2011